موضوع رائع ومفيد وحبيت أنقله لكم يا بنات بعد أن جربته وشفت النتيجة
الفكرة هي حزم البقدونس + الخيش المحروق
المكونات :
1* زيت فاتيكا ( نارجيل ) هندي طبعا ونحن ما نستغنى عن الهنود
2*زيت زيتون او لوز
3* خيشة ( جونيه )
4* حزمة جرجير مجففة في الشمس
5* ملعقتين حنا مطحونة
6* ملعقتين سدر
وبــــــــــــــــــــــــــــــس لا تكثرون
الخطوات :
* تاخذين اول شيء الخيش وتحرقينه الين ما يصير رماد وبعدين تجمعين الرماد وبخبرك تحت ايش تسوي فيه
* تجيبين الجرجير بعد ما تكوني جففتيه خلاص وتطحنينه صدقوني ما راح يحتاج الطاحونة الكهربائية حتى تحطينه بكيس نايلون وتفركينه بيدك بتشوفي انه راح ينطحن بسرعة لانه جاف خلاص .
* الحين وقت الخلط اولا تخلطين الرماد مع زيت فاتيكا في العلبة نفسها وترجينها .
* تجيبي جدر وتسكبي فيه زيت الزيتون وزيت فاتيكا المخلوط مع الرماد وتضيفي عليه الجرجير + الحنا + السدر وتخلينهم على نار هادئة مو قوية لأن زيت الزيتون والنارجيل راح يحترق .
* بعد ما يغلي شوي ها اكرر واقول شوي نزليهم من على النار وخليهم الى ما يصير دافيء وحطيه بزجاجة مثل علبة تانج فاضية وخله لمدة يومين واستعمليه بعد كذا
والله يا خواتي انا سويت هذه الخلطة من شهرين وداومت على إستعمالها لشعري وشعر اختي الصغيرة عمرها 8 سنوات ما اكذب عليكم انه طول شعورنا وغلظها انا كنت استعمله بمعدل مرتين في الأسبوع وطوٌل شعري وشعر اختي
امي بعد استعملته بعد ما شافت النتائج على شعري وكانت هي تعاني اصلا من تساقط الشعر ووقف تساقطه والحين الزيت اللي سويته خلص يعني لازم اسوي واحد ثاني
أتمنى الفائدة للجميع ولا تنسونا من الدعاء
وشكرا لكم